Prentisiaethau ym maes Rheoli, rhaglen 'acumen' rheoli

Mae'r rhaglen 'acumen' rheoli wedi'i hanelu at is-reolwyr llinell yn y sectorau preifat, cyhoeddus a gwirfoddol, yn amrywio o fusnesau bach a chanolig lleol bach i sefydliadau mawr, cenedlaethol.

Yn aml iawn, cymryd y cam cyntaf o fod yn aelod o'r tîm i fod yn rheolwr yw'r cam fwyaf heriol mewn gyrfa, ond rydym ni'n aml yn disgwyl i rywun gymryd y cam hwn heb unrhyw drafferth gan ei fod yn perfformio'n dda yn ei rôl flaenorol.

Mae'r rhaglen craffter rheoli yn galluogi unigolion i gymryd y cam yn rhwydd, ac os mae'r unigolyn wedi bod mewn swydd reoli ers cryn amser, bydd y rhaglen yn dadansoddi ei sgiliau arweinyddiaeth a rheolaeth i ganfod sut y gallai wella canlyniadau'r tîm yn sylweddol.

Mae'r rhaglen yn defnyddio cynnwys rhaglen gyfarwyddiadol (adnoddau dysgu) i ddatblygu gwybodaeth a sgiliau newydd, ynghyd â dulliau cymell anghyfarwyddiadol i sicrhau bod rheolwyr yn dysgu drostynt eu hunain ac yn rhoi gwybodaeth a sgiliau newydd ar waith yn effeithiol yn y gweithle.

Sut rydym ni'n darparu’r Brentisiaeth hon

Caiff y rhaglen hon ei darparu ar sail un i un gan eich Tiwtor Rheolaeth penodedig eich hun.

Byddant yn cwrdd â chi bob mis (wyneb yn wyneb neu’n rhithwir) i ddarparu addysg a hyfforddiant i'ch helpu i ddatblygu gwybodaeth a sgiliau newydd a'ch tywys trwy'r rhaglen.

Yna byddant yn asesu eich cymhwysedd trwy arsylwi arnoch yn rhoi'r sgiliau newydd ar waith yn y gweithle a'ch helpu i ddatblygu portffolio o dystiolaeth i brofi eich bod wedi cwrdd â gofynion y Brentisiaeth.