Prentisiaeth Lefel 2 mewn Iechyd (Cymorth Gofal Iechyd Clinigol)

Mae'r Brentisiaeth Sylfaen mewn Iechyd (Cymorth Gofal Iechyd Clinigol) ar gyfer Cynorthwywyr Gofal Iechyd sy'n gweithio mewn ysbyty clinigol yng Nghymru. Nod y Brentisiaeth hon yw darparu'r sgiliau a'r wybodaeth sy'n ofynnol i ddod yn gymwys i gefnogi gweithwyr iechyd proffesiynol i ddarparu dyletswyddau clinigol o fewn darpariaeth iechyd.

I gyflawni'r Brentisiaeth hon, rhaid i chi fod yn cael eich cyflogi gan Wasanaeth Iechyd Cymru mewn rôl sy'n darparu sgiliau clinigol. Yn benodol, dylech allu dangos eich bod yn:

hyrwyddo dulliau sy'n canolbwyntio ar yr unigolyn
gallu lleihau'r risg o haint mewn lleoliadau gofal iechyd o fewn y GIG yng Nghymru
deall egwyddorion diogelu ac amddiffyn
defnyddio sgiliau cyfathrebu, rhifedd a chymhwysedd digidol fel sy'n briodol yn eich rôl

Yn ystod eich cyfnod dysgu, byddwch yn adeiladu 'pecyn' o wybodaeth, dealltwriaeth a sgiliau er mwyn i chi allu cyflawni eich rôl eich hun yn effeithiol. Bydd yr hyn y byddwch yn ei ddysgu yn eich cefnogi i gymryd cyfrifoldeb am roi eich gwybodaeth, eich dealltwriaeth a'ch sgiliau ar waith, meithrin annibyniaeth, ymreolaeth a'r hyder angenrheidiol ar gyfer swyddi ar y lefel hon.

Sut rydym yn darparu'r rhaglen hon

Caiff y rhaglen hon ei darparu ar sail un i un gan eich Tiwtor Gofal Iechyd Clinigol arbenigol penodedig eich hun.

Byddant yn cyfarfod â chi bob mis (wyneb yn wyneb neu'n rhithwir) i ddarparu addysg a hyfforddiant i'ch helpu i ddatblygu gwybodaeth a sgiliau newydd a'ch tywys drwy'r rhaglen.

Yna bydd yn asesu eich cymhwysedd trwy arsylwi arnoch chi'n defnyddio'r sgiliau newydd yn y gweithle a'ch cynorthwyo i ddatblygu portffolio o dystiolaeth i brofi eich bod wedi bodloni'r gofynion.